Бірлесе көтерген жүк жеңіл
Конституция кез келген мемлекеттің іргетасы. Қазіргі қоғамда өзгерістер үлкен сұранысқа ие. Ата-заңға енгізілетін өзгерістер Жаңа Қазақстанның бағыт-бағдарын айқындап береді. Бұл мақсатқа жету үшін биліктің халық үніне құлақ асып, ел пікірін ескеруі қоғам сенімін күшейтеді. Яғни, азаматтардың мүддесін қорғау механизмі күшейеді. Конституцияны бүкілхалықтық дауыс беру арқылы өзгерту халықтың ойының еркін білдіруінің айқын көрінісі. Референдум арқылы мемлекет пен қоғамның өзара іс-қимылының жаңа жүйесіне көшу жүзеге асырылады.Референдумның өтуіне санаулы күндер қалды. 5 маусымда әрбіріміз ел дамуының жаңа кезеңін қалыптастыруға қатысып, үлесін қосуға мүмкіндік туады. Жаңа Қазақстанды құрудағы қадам – үлкен жауапкершілікті талап ететін дүние. Сол себепті барлық жерлестерді игі істе өз үлесін қосуға шақырамын. Аудан тұрғындарының барлығы референдумға белсене қатысады деп ойлаймын.
Жаңа Қазақстанға бірге аяқ басып, өзгерістерді бірге енгізейік. Халқымыздың игілігі үшін жасалып жатқан оң өзгерістерге бір кісідей қолдау көрсетейік.
Рахметолла ӘБЕН,
Ғ.Мұратбаев ауылдық округі әкімі
аппаратының бас маманы
