Аудан әкімі белгілі балалар ақынымен кездесті
Бүгін аудан әкімі Мұхтар Оразбаев Сыр өңіріндегі балалар әдебиетінің ауыр жүгін көтерісіп, өлшеусіз еңбек сіңіріп жүрген Рахат Наурызбаеваны қабылдады. Кездесуде Мұхтар Әуесұлы балалар ақынымен өскелең ұрпақтың тәрбиесі жайында пікір алмасып, қоғамдағы тағы басқа өзекті мәселелерді талқылады.Аудан әкімі Мұхтар Оразбаев білім беру саласының барлық сатыларында еңбек етіп, «Балалар әдебиетінің тағдыры – ертеңгі ел әдебиетінің тағдыры» деп жанашырлық танытып жүрген Рахат Наурызбайқызына қасиетті Қазалы ауданы тұрғындарының атынан алғысын жеткізді.
Айта кетейік, Сыр еліне белгілі балалар ақыны, бірнеше кітаптардың авторы Рахат Наурызбаеваның бүгін сағат 15:00-де Р.Бағланова атындағы мәдениет орталығында «Көркем сөз, кемел ойдың жыршысы» атты шығармашылық кеші өтеді.
#Қазалы
