Жарты әлемге соғыс өртін жайғанда,
Атағы алыс кетті оның айдан да.
Қазалыдан шыққан қара домалақ,
Қазағының шығарды атын майданда.Алғы шепте талай атой салады.
Ерлік ісі аңыз болып тарады.
Отан үшін опат болды ғазиз жан,
Ер есімі ел есінде қалады.Кешіп жүріп қан майданда тамұқты,
Қайсар қазақ жанқиярлық танытты.
Жауынгердің батырлығын бағалап,
Кеудесіне “Алтын жұлдыз” тағыпты.Ол қорғаған жерде жатыр көктеп нәр,
Ерлігін де бауырлас ел екшепті әр.
Латвияда, Нирза атты қыстақта,
Түктібаев атындағы мектеп бар.Тауыса алмас жырласа да неше ақын,
Батырлар бар атын әнге қосатын.
Туған жері ту көтеріп тұлғасын,
Үрмашына беріп жатыр көше атын!