Кезекті қабылдау өткізілді
Бүгін аудандық партия филиалы жанындағы "Қазалы ВЧД-6 жол бойы" бастауыш партия ұйымында орналасқан қоғамдық қабылдау бөлмесінде аудандық мәслихат депутаты Көланова Жанат Қуанышқызы жоспарланған кестеге сәйкес аудан тұрғындарына жеке мәселелері аясында қабылдау жүргізді.Жеке қабылдауда тұрғындар тарапынан Әйтеке би кентіндегі бірқатар көшелерді жарықтандыру, Сайын көшесі аяғында орналасқан бұлақтың тазалығына мән беру сынды аумақтық мәселелер көтерілді. Сондай-ақ, аудандық партия филиалында жалғасқан қабылдауға жұмыспен қамту мәселесі аясында тұрғын өтінішін жеткізді.
Жеке қабылдауда болған өтініштер аясында мәслихат депутаты тиісті орындарға ұсыныс беріп, тұрақты бақылауға алатынын айтты. Ал жұмыссыздық мәселесін көтерген тұрғынға қолданыстағы заңдылық аясында түсіндірме жұмыстары жүргізілді.
#AMANAT
