Республиканың батыс жартысы циклонның ықпалында болады, сондай-ақ Қазақстанның оңтүстік-шығысында фронтальды бөліктердің өтуімен найзағай ойнап, жаңбыр жауады. Қазақстан Республикасының қалған аумағына антициклон екпіні әсер етеді, осыған байланысты күн райы жауын-шашынсыз болады. Республика бойынша жел күшейеді, солтүстік-батысында тұман күтіледі.

«Қазгидромет» РМК

Батыс Қазақстан облысының батысында найзағай ойнайды, оңтүстік-батысында жел 15-20 м/с-ке дейін күшейеді.

Атырау облысының батысында, солтүстігінде және шығысында найзағай ойнайды, облыстың солтүстігінде жел 15-20 м/с-ке дейін күшейеді.

Маңғыстау облысының солтүстік-батысында түнде жел 15-20 м/с-ке дейін күшейеді.

Ақтөбе облысының батысында, солтүстігінде және орталығында найзағай ойнайды, оңтүстікте, солтүстікте, орталықта желдің екпіні 23 м/с болады.

Қостанай облысының батысында, оңтүстігінде жел 15-20 м/с-ке дейін күшейеді, таңертең және күндіз найзағай ойнап, тұман түседі.

Жамбыл облысының таулы, тау бөктеріндегі аудандарында найзағай ойнайды, күндіз оңтүстік-батысында, солтүстік-шығыста, таулы аймақтарда жел 15-20 м/с-ке дейін күшейеді.

Күндіз оңтүстікте, Алматы облысының таулы аймақтарында найзағай ойнайды, Жалаңашкөл ауданында желдің екпіні 17-22 м/с-ке дейін күшейеді.

Солтүстік Қазақстан облысының солтүстік-шығысында, күндіз Түркістан облысының таулы асуларында, Шығыс Қазақстан облысының оңтүстік-шығысында желдің күші 15-20 м/с болады.