Қымбат көліктерді шекарадан заңсыз өткізбек болғандар ұсталды
Жүк көліктеріне тиелген тауардың жалпы құны – 70 млн теңге. Түркістан облысыда қымбат көліктерді шекарадан заңсыз өткізбек болған Қазақстан азаматтары ұсталды, деп хабарлайды inbusiness.kz порталы ҰҚК баспасөз қызметіне сілтеме жасап. "2022 жылғы 19 наурызда Б. Қонысбаев атындағы өткізу пунктінде Өзбекстаннан келген көліктерді тексеру кезінде шекара наряды 3 жүк көлігін ұстады. Оларға ілеспе құжаттары жоқ 6 шетелдік жеңіл көлік тиелген. Шекарадан тауарларды заңсыз өткізбек болғаны үшін Қазақстан азаматтары ұсталды", - деп жазылған хабарламада. Алдын ала болжам бойынша тауарлардың жалпы құны – 70 млн теңге. Ұсталған жүк Түркістан облысы бойынша Экономикалық тергеу департаментіне тапсырылады.
