Майдангерлердің аналары мен жұбайларын мерекемен құттықтады
Биыл Кеңес әскерлерінің Ауған жерінен шығарылғанына 33 жыл, «Тәжік-Ауған» әскери қақтығысының аяқталғанына 21 жыл. «Тәжік-Ауған» қақтығысына 27 қазалылық аттанып, 1 азамат Тәжік даласында қаза тапты. Ал, 3 жерлесіміз елге келіп қайтыс болды. Қәзіргі таңда 23 азамат ортамызда жүр.Бүгін «Тәжік-Ауған» әскери қақтығысы ардагерлерінің, Қазалы ауданы бойынша төрағасы Руслан Баймбетов пен бірқатар ардагерлер, қаза тапқан майдангерлерінің аналары мен жұбайларын халықаралық әйелдер күнімен құттықтады.
Руслан Баймбетов жолдастарының анасы мен жұбайларына алдағы уақытта қолдаулар көрсететіндерін айтып, қиындықтар туындаған жағдайда хабарласуларын сұрады.
Мұнан соң, ақ жаулықты аналар мерекемен құттықтап келген азаматтарға алғыстарын білдіріп, жылы лебіздерін жеткізді.
"ҚАЗАЛЫ" ақпарат
