Францияда жаңа атом реакторларын салмақ
Франция алдағы онжылдықта 6 жаңа атом реакторы салынбақ. Бұл туралы ел президенті Эммануэль Макрон мәлімдеді, деп хабарлайды «Хабар 24».Осылайша Франция 2050 жылға қарай көміртек бойынша бейтарап елге айналуды мақсат етіп отыр. Жоспар бойынша бірінші реактор 2035 жылы іске қосылмақ. Жобаның жалпы құны 58 млрд доллар. Бұдан бөлек, Макрон күн және жел энергетикасының дамуын жеделдетіп, ескі атом электр станцияларының қызмет ету мерзімін ұзартпақ ниетте. Айта кетейік, француз шенеуніктері Ресей газына иек артпау үшін энергетикалық тәуелсіз ел болу керек дегенді алға тартады.
