Жуырда «Жастар ресурстық орталығы» мен «Жас Отан» жастар қанаты Қазалы аудандық бөлімшесі жастардың қоғамдық-саяси өмірге қатысуы мен оларға патриотизм мен парасаттылық нормалары негізінде Қазалы көлік-техникалық жоғарғы, агро-техникалық, гуманитарлық-техникалық колледждерінің студенттерімен кездесу өткізді.

Күн тәртібі бойынша Қазалы ауданының мәслихат депутаты Бауыржан Ізмағанбетов латын әліпбиіне көшу – қазақ халқының жаңа заман талабына сай өсіп өркендеуіне, жан-жақты дамуына үлкен үлес қосатыны туралы сөз қозғады. «Жас Отан» жастар қанаты Қазалы аудандық бөлімшесінің басшысы Еркін Құсан алға қойған жоспарлары мен міндеттері жайлы тілге тиек етті. «Жастар ресурстық орталығының» директоры Олжас Ахметов есеп беріп, алдағы жұмыс жоспарымен бөлісті.

Сонымен қоса, студенттер арасында «Қалың қалай?» студент атты рейд жүргізілді. Сондай-ақ, жатақханада тұратын шәкірттермен кездесіп, олардың ұсыныс пікірлері тыңдалды.