Тоқаев шенеуніктерге «показухасыз» жұмыс жасауды ескертті
Тоқаев шенеуніктерге «көз бояушылық жасамай», адал жұмыс жасауға шақырды. Бұл туралы Bugin.kz платформасы хабарлайды.
Мемлекет басшысы Қасым-Жомарт Тоқаев Қазақстан халқын «шоу көрсетпей» ауқымды абаттандыру жұмыстарын жүргізуге шақырды.
Тоқаев Қазақстанның ормандылығы төмен мемлекеттерге жататынын және орман қорының аумағы 30 миллион гектарды немесе аумақтың 11% -ын құрайтынын айтты.
- Биылғы жылы елімізде жасылдандырудың ауқымды бағдарламасы басталды. 2025 жылға қарай 2 миллиард ағаш отырғызылады. Бұл бастама үлкен халықаралық резонанс тудыратын нағыз ұлттық жобаға айналуда. Тапсырма өте өзекті, сондықтан оны арифметикалық көрсетусіз және көз бояушылықсыз орындау керек, - деді Тоқаев «Париж келісімінің мақсаттарына жету жолдары мен Қазақстанның көміртекті бейтараптығы» атты халықаралық конференциясында.
Сондай-ақ, Президент елімізде 2025 жылға дейін Арал теңізінің құрғаған түбіне 1,5 миллион гектарға жуық сексеуіл егу бағдарламасын қабылдағанын тілге тиек етті.
