Ғалымдар: COVID-19 жаңа туған нәрестелердің иммундық жүйесін өзгертеді
Жүктілік кезінде жұққан COVID-19 жаңа туған нәрестенің иммундық жүйесін өзгертеді. Бұл туралы ұлыбританиялық ғалымдар Nature Immunology журналында мәлімдеді, деп хабарлайды Stan.kz ақпарат агенттігі Nature Immunology басылымына сілтеме жасап.Лондон Корольдік колледжінің мамандары бұрын коронавирус жұқтырған және вируспен ауырып жүрген 30 жаңа босанған әйелге сараптама жүргізген. Нәтижесінде олардың балаларында табиғи жендет жасушалар мен Т-жасушалардың кей типтері көп болатыны анықталған. Сонымен қатар шағын ақпараттық молекула болып саналатын плазма цитокин деңгейі екі топта да көбейгені белгілі болған. Мамандардың сөзінше, бұл аналарында болған инфекцияның нәрестелерде иммундық жүйені өзгерткенін көрсетеді.
Сонымен қатар аналары нәрестелеріне плацента арқылы SARS-CoV-2 вирусын беріп, пассивті иммунитетпен қамтамасыз етеді. Бұл жүктіліктің ерте кезеңінде вирус жұқтырған әйелдерде ерекше байқалған. Ғалымдар COVID-19-дың анадан балаға берілу-берілмеуін анықтауды жоспарлап отыр.
Еске салайық, бұған дейін қазақстандық ғалымдар коронавирустың жаңа симптомын анықтағаны туралы хабарлаған едік.
