Балабақша құрылысы басталды
Балалардың болашағы үшін жасалып жатқан жұмыстар – мемлекеттің даму деңгейінің көрсеткіші. Осы бағыттағы жобаларға артылар жауапкершіліктің жүгі мол. Аудан көлемінде де аталған салаға назар аударылып, жаңа бастамалар көтерілуде. Мәселен, биыл мамыр айында Ақтөбе қаласында тұратын жерлес кәсіпкер Болат Сансызбаев ел Тәуелсіздігінің 30 жылдығы мен «Туған жерге тағзым» жобасына орай Бекарыстан би ауылында 100 орындық балабақша құрылысын бастады.Жақында аудан әкімі Мұхтар Оразбаев пен аудандық мәслихат хатшысы Бақытжан Жарылқап Бекарыстан би ауылына арнайы барып, балабақшаның құрылыс жұмыстарымен танысты. Қазіргі таңда құрылыс қарқынды жүргізілуде. Жеке кәсіпкердің сенімді өкілі Еркін Сансызбаев балабақша жұмысының аяқталуға жақын қалғанын жеткізді. Мұнда балаларға қажетті жатын және ойын бөлмелері, жуынатын және тамақтанатын орын қарастырылған. Құрылысқа қажетті материалдар аудан кәсіпкерлерінен сатып алынуда.
Аудан әкімі Мұхтар Әуесұлы жеке кәсіпкердің жұмысына сәттілік тілеп, құрылыстың сапалы аяқталуын айтты. Сонымен қатар, Майдакөл ауылдық округінің әкімі Қонысбек Құрманбаевқа балабақшаға балалар қабылдауға дайындық жұмысын осы бастан жүргізуді тапсырды.
Бекарыстан би ауылына сапары кезінде аудан әкімі Мұхтар Оразбаев Ү.Түктібаев атындағы №24 мектеп пен ауылдық мәдениет үйіне де арнайы барып, қысқы жылу беру маусымының дайындығымен танысты.
Аудан әкімі Мұхтар Әуесұлы жеке кәсіпкердің жұмысына сәттілік тілеп, құрылыстың сапалы аяқталуын айтты. Сонымен қатар, Майдакөл ауылдық округінің әкімі Қонысбек Құрманбаевқа балабақшаға балалар қабылдауға дайындық жұмысын осы бастан жүргізуді тапсырды.
Бекарыстан би ауылына сапары кезінде аудан әкімі Мұхтар Оразбаев Ү.Түктібаев атындағы №24 мектеп пен ауылдық мәдениет үйіне де арнайы барып, қысқы жылу беру маусымының дайындығымен танысты.
Серік АҚМЫРЗА
