Қазалылық ардагерлер Түркістанға саяхат жасады
Қазақстан Республикасы Тәуелсіздігінің 30 жылдығына орай аудан әкімінің қолдауымен қазалылық ардагерлер Түркістан қаласына саяхат жасап қайтты.Аудандық ардагерлер кеңесінің төрағасы Оразғали Бекбанов бастаған 10 белсенді ардагер ер түріктің бесігі атанған қаланың қасиетті орындарында болып, тарихи жәдігерлермен танысты.
Саяхат барысында Қожа Ахмет Яссауи кесенесіне, Ұлы қорған мен тарихи-археологиялық ескерткіштерде және заманауи үлгіде салынған «Керуен сарайында» болған олар үлкен әсер алғандарын жеткізді.
Алдағы уақытта да ардагерлер бір сергіп, дем алу үшін осындай шараларды жиі ұйымдастыру жоспарланып отыр.
"ҚАЗАЛЫ" ақпарат
