Ветеринариялық-санитарлық нормалардың сақталуына байлнаысты брифинг өтті
Бүгін Қазалы ауданы әкімдігінің баспасөз орталығында аудандағы ветеринария саласындағы эпизоотиялық жағдайға байланысты "Қазалы ветеринариялық станциясы" мемлекеттік коммуналдық кәсіпорны басшысы Әміреев Болатбек Жалғауұлы брифинг өткізді.Аудан көлемінде ауыл шаруашылығы жануарлары арасында адам мен жануарларға ортақ аса қауіпті жұқпалы аурулардың алдын алу, болдырмау мақсатында облыстық ветеринария басқармасынан 11 түрлі аса қауіпті жұқпалы ауруға қарсы егуге республикалық бюджет есебінен 534, 6 мың доза жеткізілген.
Облысқа тән энзоотиялық аурулардың алдын алу үшін 6 түрлі ауруға қарсы егуге 82,9 мың доза вакцина мен ветеринариялық препараттар жеткізіліп, қазіргі таңда 9 айлық жоспарға сәйкес алдын ала егу жұмыстары толығымен орындалып, аталған ветеринариялық-профилактикалық іс-шаралар толығымен компьютерлік дерек қорға енгізілді.
Бүгінгі таңда аудан көлемінде эпизоотиялық ахуал тұрақты.
"ҚАЗАЛЫ" ақпарат
