Қазақстанда жасөспірімдер арасында қылмыс қысқарып келеді
«Балаларды қорғау, олардың құқықтарын қамтамасыз ету және сақтау – бұл мемлекет пен қоғам алдыенда тұрған маңызды міндеттердің бірі. Бүгінде жасөспірімдер арасындағы қылмыс, олардың қауіпсіздігін қамтамасы ету және қолайсыз отбасылармен күрес өзекті проблема болып отыр», - деді ресми өкіл ІІМ баспасөз қызметі алаңында өткен брифингте. Оның атап өтуінше, қабылданған іс-шаралардың нәтижесінде соңғы 10 жылдың ішінде кәмелетке толмағандар жасайтын қылмыстардың саны 2 еседен астамға қысқарды. «Осы жылдың 8 айында кәмелетке толмағандар арасындағы қылмыс саны 30,6 пайызға төмендеді. Қылмыстың жалпы төмендегеніне қарамастан жасөспірімдер жасайтын ауыр қылмыс фактілері де бар. Жасөспірімдер қылмысына нақты әрекет ету, балалардың құқығын қорғау үшін жағдай жасау мақсатында полиция тұрақты түрде арнаулы жедел алдын алу іс-шараларын өткізіп келеді», - деді Нұрділдә Ораз.
