"Елімізде соңғы 5 жыл ішінде кәмелет жасына толмағандарға қарсы жыныстық қолсұғу қылмысы 1,5 есе (2015 жылы – 1225 қылмыс, 2020 жылы – 825 қлмыс) қырқарды. Өкінішке қарай, атқарылған жұмыстар мен заңның қатаңдатылуына қарамастан қылмыстың орын алмауы жалғасуда. Кәмелет жасына толмағандарға қарсы қылмыстың 70 пайызы үйде, өз жақындарының қатысуымен орын алады (әкесі, өгей әкесі, анасымен бірге тұратын адам, туыстары, көршісі және таныстары). Сонымен қатар балалар мен жасөспірімдерге қарсы зорлық-зомбылық фактілерін анықтауда қоғамның бетке басуынан қорқу немесе ұялу қиындық туындатады. Яғни зардап шегушілер мен олардың ата-аналары мәселені көпке жария етпей, өзара араларында қалдырғысы келеді. Тағы бір айтып өтетін жайт, балалар мен жасөспірімдерге қарсы зорлық-зомбылық көрсету қылмысы полиция қызметкерлеріне қолжетімсіз тұрғын үйлерде орын алады. Және орын алған қылмыстың 30 пайызы денсаулық сақтау органдары арқылы ерте жаста жүкті болу деректерін салыстыру кезінде анықталды" ,- деді ҚР Ішкі істер министрлігі Әкімшілік полиция комитеті төрағасының орынбасары Алексей Милюк онлайн өткен баспасөз мәслихатында. 

Сондай-ақ, аталған іс-шарада белгілі болғандай өткен апта ішінде елімізде 3 мыңнан астам қылмыс жасалды. 

"Бір апта ішінде 3351 қылмыс жасалды, оның 2254-і тәулік ішінде ашылды. Полиция қызметкерлері «ізін суытпай» 14 кісі өлтіруді, 4 өлімге әкеп соққан денсаулыққа қасақана ауыр зиян келтіруді, 4 қарақшылық, 40 тонау және 509 бөтен мүлікті ұрлау қылмыстарын ашты", - дейді ҚР Ішкі істер министрлігінің ресми өкілі Нұрділдә Ораз.