Қазалы аудандық сотында медиация институтын дамыту бағытында ауқымды шаралар жүзеге асырылуда.

Қазалы аудандық сотының судьялары бір күнде 11 азаматтық істі медиация тәртібімен тоқтатты.

Азаматтық істердің құжаттарына қарағанда, «Азаматтарға арналған үкімет» мемлекеттік корпорациясы» КЕ АҚ-тың Қызылорда облысы бойынша филиалы «Зейнетақы төлеу жөніндегі мемлекеттік орталығы» - Қазалы аудандық бөлімшесі аудандық сотқа артық төленген соманы өндіріп алу туралы талап арыздарымен жүгінген.

Тараптарға соттың оңайлатылған іс жүргізу тәртібімен қарауын және тараптардың құқықтары мен міндеттемелерін түсіндірілген соң, тараптар медиаторға жүгініп, дауды медиация тәртібімен реттеу туралы келісімге келді.

Сот, тараптар жасаған келісіммен танысып, өзінің мазмұны бойынша заңға қайшы келмейтінін ескеріп, дауды (жанжалды) медиация тәртібімен реттеу туралы келісімді бекітті.

Сот ұйғарымы заңды күшіне енген жоқ.