Бір күнде медиация тәртібімен 10 іс қысқартылды

Қазалы аудандық сотында медиация институтын дамыту бағытында ауқымды шаралар жүзеге асырылуда.

Соның бір көрінісі, медиатордың көмегімен сот даулары бойынша шешімін тапқан істердің саны көбейіп, жақсы нәтижесін көрсетуде.

Қазалы аудандық сотының судьялары бір күнде 10 азаматтық істі медиация тәртібімен тоқтатты.

Азаматтық істердің құжаттарына қарағанда, «Азаматтарға арналған үкімет» мемлекеттік корпорациясы» КЕ АҚ-тың Қызылорда облысы бойынша филиалы «Зейнетақы төлеу жөніндегі мемлекеттік орталығы» - Қазалы аудандық бөлімшесі аудандық сотқа артық төленген соманы өндіріп алу туралы талап арыздарымен жүгінген.

Істерді сотта қарау барысында тараптардан істі медиациялық тәртібімен реттеу туралы келісімін бекіту жөнінде арыз келіп түскен.

Сот ұйғарымдарымен тараптар арасында медиация келісімі бекітіліп, азаматық іс өндірістен тоқтатылды.