Мерекеде марапатталды
Бүгін аудан әкімі Мұхтар Оразбаев Қазақстан Республикасы Конституциясы күні мерекесіне орай бірқатар азаматтарды қабылдап, игі тілегін жеткізді.Басқосуда Қазалы аудандық сотының кеңсе меңгерушісі Бекқожа Махамбетали, Қазалы ауданы прокурорының орынбасары Дінмұхамед Упабеков, аудандық полиция бөлімінің жергілікті полиция қызметі бөлімшесінің учаскелік полиция инспекторының көмекшісі Ардақ Жұмабаев, аудан әкімі аппаратының жұмылдыру дайындығы және аумақтық қорғаныс бөлімінің бас инспекторы Ерлан Нұржаубаев облыс әкімінің "Алғыс хатымен" марапатталды.
Ал, жеке кәсіпкер Жасұлан Жұмахметовке республикалық "El qurmeti" қоғамдық қорының "Кәсіпкер" медалі табысталды.
Кездесуде аудандық мәслихат хатшысы Бақытжан Жарылқап құттықтау сөз сөйлеп, азаматтарды мерекемен құттықтады.
Қазалы ауданы əкімдігінің баспасөз қызметі
