Мектептердегі маска режимі қалай болады?
Мектептер мен басқа да оқу орындарында маска режимінің ережелері бекітілді. Бұл туралы Orda.kz хабарлады.Барлық оқушылар (студенттер) маска режимін сақтауы керек. Масканы тамақтану мен дене шынықтыру сабағына қатысудан басқа уақытта тағуға міндетті.
– Маска тағу тәртібі «Жіті респираторлық вирустық инфекциялар, тұмау және олардың асқынулары (пневмония), менингококк инфекциясы, COVID-19 коронавирустық инфекциясы, желшешек, скарлатина кезінде санитариялық-эпидемияға қарсы, санитариялық-профилактикалық іс-шараларды ұйымдастыруға және жүргізуге қойылатын санитариялық-эпидемиологиялық талаптармен» реттеледі, – деп хабарлады Алматы әкімдігінің баспасөз қызметі.
Жоғарыда көрсетілген Санитарлық ережелердің 54-тармағында:
халықты қабылдауға, қызмет көрсетуге және демалуға арналған бөлмелерде;
қоғамдық көліктерде медициналық немесе матадан жасалған бетперде кию міндетті болып табылатыны көрсетілген
Кімге бетперде тағу міндеттелмейді?
бес жасқа дейінгі балаларға;
қоғамдық тамақтану орындарында тамақтанған кезде;
әлеуметтік қашықтықты сақтай отырып, жеке, топтық спортпен айналысатын адамдарға.
