2021 жылғы 1 тамыздағы мәліметке сәйкес Жұмыспен қамтудың 2020-2021 жылдарға арналған жол картасы (ЖҚЖК) аясында 5,5 мыңға жуық жұмыс орны құрылған, орташа жалақы – 92 мың теңге. ЖҚЖК жобалары 4 негізгі бағытқа бөлінген: – халықтың өмір сүру сапасын арттыру; – ШОБ үшін қаржыландырудың қолжетімділігін арттыру; – агроөнеркәсіптік кешенді дамыту; – өңірлерде бизнесті дамыту. Бүгінде аталған жол картасы аясында 161 инфрақұрылымдық жобада құрылыс жұмыстары жүргізіліп жатыр, тағы 38 жоба алдағы уақытта жүзеге асырылады. Айта кетейік, биыл ЖҚЖК аясында барлық бағыт бойынша 40,9 мың жұмыс орны ашылады деп жоспарланып отыр. Оның 28,3 мыңнан астамы тұрақты жұмыс орны.