Республикалық ғылыми-практикалық білім мазмұнын сараптау орталығы директорының айтуы бойынша, апробация кезінде оқулықтың бес нұсқасы сынақтан өткізіліп, ең ұтымды дегені таңдалды. Жаңартылған «Әліппе» заман талабына сай жасалған. Кітаптың әр бетінде QR-код бар. Оны сканерлеп, мәтінді аудио арқылы тыңдап шығуға болады.

Елдос Нұрланов, ҚР БҒМ Білім мазмұнын сараптау орталығының директоры:

– Код – ол қосымша мүмкіндік. Яғни егер сіз QR-кодты пайдаланбасаңыз, сол жердегі материалды иегере алмайсыз деген сөз емес. Қосымша мүмкіндік. Егер оны мұғалім сабақ үстінде қажет деп тапса, пайдалануына болады. Бала өздігінен дайындалып жатқанда да ата-анасымен пайдалануына болады. Бірақ ол міндет емес.