Қоғамдық кеңестің отырысы өтті
«Nur Otan» партиясы Қазалы аудандық филиалының мәжіліс залында, аудандық партия филиалы жанындағы «Отбасы, әйелдер және балалардың құқығын қорғау және жұмыспен қамтуды және халықтың әлеуметтік әлсіз топтарын қолдау» жөніндегі қоғамдық кеңес басшысы Көланова Жанат Қуанышқызының төрағалығымен кеңес отырысы өтті.Күн тәртібіндегі «Өзгерістер жолы: әр азаматқа лайықты өмір» атты «Nur Otan» партиясының сайлауалды бағдарламасын іске асыру жөніндегі Қазалы ауданы бойынша жол картасының жұмыссыздық және кәсіпкерлерге берілетін несиелер мен гранттар туралы бірқатар сұрақтар қойылып, баяндама жасалды.
Аудандық жұмыспен қамту, әлеуметтік бағдарламалар және азаматтардың хал актілерін тіркеу бөлімінің басшысы Бабанаев Совет Кеңесұлы баяндама жасады.
Кеңес отырысында аудандық сайлауалды бағдарламасын жүзеге асыру мақсатында дайындалған Жол картасындағы жұмыссыздық және кәсіпкерлерге берілетін несиелер мен гранттар көрсеткіштерінің орындалуы бақылауда болатындығы айтылып, жиын соңында қатысушылар өзара пікір алмасып, бірқатар ұсыныс-пікірлерін ортаға салды.
