Оқушылар алты күн оқиды: Білім министрі мәселенің мән-жайын түсіндірді
Білім және ғылым министрі Асхат Аймағамбетов елімізде бес күндік оқу жүйесі бойынша білім беруді жалғастыруға болатынын айтты, деп хабарлайды Stan.kz ақпарат агенттігі Tengrinews.kz басылымына сілтеме жасап."Егер мектеп бес күндік оқу жүйесін бойынша білім бере алатын болса, рұқсат беріледі. Брақ пандемияға байланысты кейбір шектеу шаралары енгізіліп отыр. Сондықтан, ауысым саны көп болған мектептерге бес күндік оқу жүйесі сәйкес келмеуі мүмкін. Бұл шешімді мектеп қабылдайтын болады. Бес күнге сәйкес келмейтін болса, сабақтар алтыншы күнге ауыстырылады”, – дейді министр.
Ол дәл осындай тәжірибе алдыңғы жылы қолданылғанын түсіндірді.
“Біз жыл сайын бірдіндеп бес күндік оқу жүйесіне көшкен болатынбыз. Бірақ сол кезде де алты күн оқыған мектептер болды. Өйткені олар бес күндік оқу жүйесін ұйымдастыра алмады”, – дейді министр.
Соған қарамастан, Аймағамбетов бес күндік білім беру балаға да, мұғалімдерге де тиімді екенін айтты.
Еске салсақ, білім министрлігі мектептерді қайтадан алты күндік оқу жүйесіне көшіретіні туралы жазған болатынбыз.
