Карантин талабын бұзғандардың аты-жөні БАҚ-қа жарияланады
Қазақстанда «қызыл» және «сары» мәртебесі бола тұрып, карантин талаптарын бұзған адамдарға қатысты шаралар күшейтіледі. Бұл туралы коронавирус инфекциясының таралуына жол бермеу жөніндегі ведомствоаралық комиссияның отырысында айтылды, деп хабарлайды Egemen.kz.«Ведомствоаралық комиссия Ashyq қосымшасы арқылы тіркелген қоғамдық орындарға баратын «қызыл» және «сары» мәртебесі бар адамдарға қатысты шараларды қатайту туралы шешім қабылдады. Енді «қызыл» мәртебесі бола тұрып карантин режимін бұзғандардың есімдері бұқаралық ақпарат құралдарында жарияланады», делінген мәліметте.
