Әлеуметтік қызметтер порталын қолдау бойынша байланыс орталығы жұмыс істей бастады. Орталықпен байланысу үшін 1414 нөміріне хабарласып, тілді таңдаған соң, 4 санын басасыз.

Портал операторлары мүгедектігі бар адамдар мен әлеуметтік қызметтер ұсынушыларға ақпаратты мемлекеттік және орыс тілдерінде ұсынады. Бүгінгі таңда орталықта 3 аналитик, 5 оператор жұмыс істейді. Тағы үшеуі дайындықтан өтіп жатыр.

Байланыс орталығы өз қызметін жұмыс күндері сағат 09:00-ден 18:30-ға дейін үзіліссіз ұсынады. Алдағы уақытта Facebook, Telegram және WhatsАpp мессенджерлерінде чат-ботты іске қосу жоспарда бар. Сонымен қатар, хабарламаларға робот жауап беруі мүмкін. Бұл жауап берілмей қалған қоңыраулар санын азайту үшін жасалып отыр.

Ағымдағы жылдың басынан бастап 113 мыңнан астам мүгедектігі бар адам портал арқылы:

оңалтудың техникалық құралдарын;

ымдау тілінің 6 мыңнан астам қызметін;

жеке көмекшінің 31 мыңнан астам қызметін;

36 мыңға жуық шипажай емдеу қызметін алды;

122 мыңнан астам адам кепілдік берілген әлеуметтік топтамаларға тапсырыс берді.