Аудан басшысы алдымен Арықбалық ауылдық округіне жол тартып, тұрғын үйлерді сервистік желіге қосу жұмыстарының барысын көрді. Өткен жылы бюджеттен қаржы бөлініп, Жанқожа батыр батыр ауылындағы ауыз суды сервистік желіге қосу жұмыстары басталған болатын. Қазіргі таңда құрылыс жұмыстары аяқталуға жақын қалды.

Аудан әкімі Мұхтар Оразбаев тиісті сала басшыларына құрылыс жұмыстарының сапасына аса қатты мән беруді тапсырды.

Мұнан соң аудан әкімі Мұхтар Оразбаев Жалаңтөс батыр ауылына ат басын бұрып, елді мекендегі әлеуметтік нысандарда болды.

Аудан әкімі елді мекендерге жасаған сапарын Құмжиек ауылдық округінен аяқтады. Биыл ауылдық округтің орталығы – Қ.Пірімов ауылынан спорт кешенінің құрылысы басталады.

Қазіргі таңда бюджеттен қаражат бөлініп, мемлекеттік сатып алу процедуралары жүргізілуде.