– 2019 жылы Үкімет қаулысына өзгеріс енгізіліп, елімізде дүниежүзілік электр байланысы және ақпараттық қоғам күніне орайластырылған кәсіби мереке – Байланыс және ақпараттандыру қызметкерлері күні атап өтіліп келеді. Бұл күн – барлық бағдарламашылардың, ақпараттық технологиялар мен байланыс саласында жұмыс істейтіндердің кәсіби мерекесі, – деді Мұрат Нәлхожаұлы сала қызметкерлерін марапаттау сәтінде.

Шарада сала ардагері Ордабай Аяпбергенов Қазалы ауданының «Құрмет грамотасымен» марапатталды. Сондай-ақ, бірқатар сала қызметкеріне аудан әкімінің Алғыс хаты ­табысталды.

«Қазпошта» АҚ Қазалы аудандық пошта байланыс торабының басшысы Жайлаубай Нұрбаев әріптестерін мерекемен құттықтап, көрсетілген қошемет-құрметке алғыстарын білдірді.

Бұл күні Р.Бағланова атындағы мәдениет орталығы өнерпаздарының концерттік бағдарламасы ұсынылды.