Биыл Қазақстанда өлім-жітім көбейген
Биыл 1 сәуірдегі мәлімет бойынша, Қазақстан халқының саны 18 млн. 940 мың 400 адамға жетті. Бұл туралы Ұлттық статистика бюросы мәлімдеді. Оның ішінде қала тұрғындары – 11 млн. 204 мың 800 (59,2%), ауыл тұрғындары – 7 млн 735 мың 600 мың адам (40,8%). Былтыр 1 сәуірмен салыстырғанда халық саны 250,2 мыңға немесе 1,3%-ға артты.2021 жылғы қаңтар-наурызда республика халқының табиғи өсімі 2020 жылғы қаңтар-наурызбен салыстырғанда (61,5 мың адам) 4,6%-ға өсіп, 64,3 мың адам болды. Табиғи өсімнің жалпы коэффициенті 1000 адамға шаққанда – 13,73 адам.
Биыл қаңтар-наурыз аралығында елімізде 36,1 мың адам қайтыс болды. Қаңтар-наурыз аралығында 1 жасқа дейін шетінеген 815 нәресте тіркеліп, былтырғы жылмен салыстырғанда (796 шетінеген нәресте) 2,4%-ға артты. Нәресте өлім-жітімінің коэффициенті 1000 жаңа туған нәрестеге шаққанда 8,11 болды.
