Ауа райын болжаушылар ұсынған ақпаратқа сәйкес, бүгін еліміздің басым бөлігінде атмосфералық фронталды бөліктердің өтуіне байланысты күн құбылмалы болады. Республиканың көп өңірінде найзағай ойнап, жаңбыр жаууы мүмкін. Қазақстан бойынша тұман түсіп, найзағай ойнап, жел күшейіп, дауыл тұрады, бұршақ жаууы ықтимал, дейді синоптиктер. Ақмола, Қостанай облыстарында тұман түсіп, жел 15-20 м/с-қа дейін күшейеді деп күтіліп отыр. Жамбыл, Қарағанды өңірінің аумағында найзағай ойнап, тұман түсуі мүмкін. Мамандардың дерегінше, аталған облыстардың кейбір жерлерінде күндіз жел 15-20 м/с жылдамдықпен ұйтқиды. Жамбыл облысында бұршақ жаууы да ықтимал. Шығыс Қазақстан, Павлодар, Қызылорда облыстарында жел 15- 20 м/с жылдамдықпен соғады деп болжануда. Күндіз Шығыс Қазақстан облысының кей жерлерінде найзағай ойнайды. Атырау, Маңғыстау облыстарында найзағай ойнап, түнде Маңғыстау облысында жел 15- 20 м/с жылдамдықпен соғады. Алматы, Батыс Қазақстан облыстарында найзағай ойнап, жел 15- 20 м/с жылдамдықпен ұйтқиды деп күтіліп отыр. Аталған өңірлерде бұршақ жаууы да мүмкін. БҚО-да дауыл тұрады, дейді синоптиктер. Түркістан облысында желдің жылдамдығы 15-20 м/с-қа дейін күшеюі ықтимал. СҚО-да 1 градус үсік жүреді деп күтілуде.