30 шілдеде еліміздің көп өңірінде жаңбыр жауады
30 шілдеде Қазақстанның көп бөлігінде ауа райы тағы да құбылмалы болады, найзағай ойнап, жаңбыр мен бұршақ жауады, жел күшейіп, дауыл тұрады, тұман түседі.Оңтүстік пен оңтүстік-батыста ғана жауын-шашын болмайды. “Қазгидромет” кәсіпорны синоптиктерінің болжамы осындай.Солтүстік Қазақстан, Қарағанды облыстарында оңтүстік-батыстан 15-20 м/с жел соғып, дауыл тұрады, найзағай ойнап, бұршақ аралас жаңбыр жаууы мүмкін.Ақмола, Жамбыл, Павлодар, Түркістан, Қостанай, Ақтөбе, Алматы облыстарында да 15-20 м/с жел соғады, Түркістан облысында шаңды дауыл тұрады, Қостанай облысында найзағай ойнап, бұршақ аралас жаңбыр жаууы мүмкін, Ақтөбе облысында найзағай ойнайды.Шығыс Қазақстан облысында да бұршақ жаууы мүмкін, тұман түседі. Маңғыстау облысында шаңды дауыл тұрады, тұман түседі.Алматы, Қарағанды облыстарында қатты ыстық болады. Қызылорда, Түркістан, Жамбыл, Алматы, Ақтөбе, Қарағанды, Шығыс Қазақстан облыстарында өрт қаупі күшейеді.
baribar.kz
