“Диін” бағы – ағалар аманаты
Бекарыстан би ауылындағы “Диін” бағының негізін 1989 жылы ауыл ақсақалы Қ.Мәкенов пен совхоз директоры Н.Айтжановтың бастамасымен агроном Е.Шәметов қалаған екен. Ерғали әкеміз ауылға соғатын желдің бағытын ескеріп, қысты күні арқадан соғатын желге тосқауыл болсын деп бақты артқы бетке орналастырған-ау деп ойлаймын.Тұжырымы дәл келген. Әйтпесе ауылға кіреберіске жарқыратып жасар еді ғой. Баққа Д.Бөлекбаев бағбандық етті. Маңдай терін төкті. Ауылда барлық дүние талан-таражға түсіп жатқанда баққа ие болды. Диін ақсақал ғұмырының соңына дейін қолынан кетпені мен шалғысын тастаған жоқ. Таза “бағбан” деген атқа лайық еді. Осындай еңбегінің арқасында халық алма бағын “Диін” бағы атымен атады.
Осы аптада “Диін” бағына 150 түп алма, 50 алмұрт, 30 өрік көшеттерін отырғыздық. Және қураған теректердің орнына қара тал ектік. Алдымызда ағалардың егіп, ұрпаққа табыстаған бағын жандандыру міндеті тұр.
Қонысбек ҚҰРМАНБАЕВ,
Майдакөл ауылдық округі
