Еліміздің бірқатар өңірінде дауылды ескерту жарияланды

«Қазгидрометтің» синоптиктерінің хабарлауынша, 16 наурызда бірқатар облыстарда тұман түсуі мүмкін, бірақ Қазақстан аумағының басым бөлігінде жауын-шашын күтілмейді, деп хабарлайды stan.kz

  Метеорологтердің болжамы бойынша тек оңтүстік пен шығыста, атмосфералық фронтальды бөліктердің өтуімен қар, жаңбырмен тұрақсыз ауа райы сақталады. Жамбыл, Түркістан, Атырау, Батыс Қазақстан облыстарында кей жерлерде тұман түсіп, жел секундына 15-20 метрге дейін күшейеді.
Маңғыстау және Солтүстік Қазақстан облыстарында жел секундына 15-20 метрге дейін күшейеді деп күтілуде.
Ақмола, Алматы, Қызылорда, Ақтөбе, Қостанай, Шығыс Қазақстан, Павлодар облыстарында тұман күтіледі, түнде Шығыс Қазақстан облысында кей жерлерде жел тұрады.
16 наурызда Солтүстік Қазақстан облысында және Петропавлда дауыл туралы ескерту жарияланды. Мұнда, болжамға сәйкес, оңтүстік-батыстан соққан жел екпіні секундына 15-20 метрге дейін жетеді.
Сондай-ақ, Жамбыл, Түркістан, Қызылорда, Батыс Қазақстан, Ақмола және Атырау облыстарында тұман немесе желге байланысты дауылды ескерту жарияланды.