Қазалы Qazaly.kz ақпараттық агенттігі
» » Қазақстанда азық-түлік бағасының қымбаттау себебі айтылды

Қазақстанда азық-түлік бағасының қымбаттау себебі айтылды

Биылғы жылғы ақпандағы жылдық инфляция 7,4% деңгейінде сақталды. Азық-түлік инфляциясы бағаның жалпы өсуіне ең көп үлес қосуын жалғастыруда, деп хабарлайды stan.kz

 Бұл туралы үкімет отырысы барысында Ұлттық банк төрағасы Ерболат Досаев айтып берді.
"Азық-түлік тауарлары бағасының жылдық өсуі ішкі нарықтағы шектеулі ұсынысқа, әлемдік тауар нарықтарындағы бағалардың және отандық өндірушілер бағаларының өсуіне байланысты жекелеген тауар нарықтарындағы теңгерімсіздіктің сақталуынан биылғы жылғы қаңтардағы 11,4%-тен ақпандағы 11,6%-ке дейін жеделдеді", - дейді Досаев.
Өткен айларда байқалған ет және ет өнімдері, нан-тоқаш өнімдері мен жармалар бағалары өсуінің баяулауы биылғы жылғы ақпанда тоқтатылды.
"Азық-түліктің әлемдік бағасының өсуі қатарынан 9 айға созылып, бұл ФАО азық-түлік бағалары индексінің көп жылдық максимумына әкелді. Инфляцияның азық-түлікке жатпайтын және сервистік құрамдас бөліктерінің динамикасы әлсіз тұтынушылық сұраныс аясында салыстырмалы түрде тұрақты болып қалуда. Азық-түлікке жатпайтын инфляция 5,3%-тен 5,2%- ке дейін, ақылы қызметтер инфляциясы тұрғын үй-коммуналдық реттелетін қызметтердің жекелеген түрлеріне тарифтердің төмендеуі есебінен 4,1%-тен 3,9%-ке дейін баяулады. Жеке адамдарға қызмет көрсету және демалыс қызметтеріне бағалардың өсуі жалғасуда", - деп түсіндірді Ұлттық банк төрағасы.
11 наурыз 2021 ж. 2 365 0

Жаңалықтар мұрағаты

«    Наурыз 2024    »
ДсСсСрБсЖмСбЖс
 123
45678910
11121314151617
18192021222324
25262728293031