Жедел штаб отырысы өтті
Аудан әкімі Мұрат Ергешбаевтың төрағалығымен коронавирус инфекциясының алдын алу бойынша жедел штаб отырысы өтті. Онда аудандық санитариялық-эпидемиологиялық бақылау басқармасы басшысының міндетін атқарушы Ғабит Сарқұлов ақпарат берді. Қазіргі таңда ауданда 6 науқастың анықталғанын баяндады.Аудан басшысы карантиндік шараларды сақтауды, дәрі-дәрмек қорының жеткілікті болуын қадағалап, үнемі бақылауда ұстап отыруды және қамтамасыз етуді тапсырды. Сондай-ақ дәріханаларда бар дәрілердің тізімін жасақтау қажеттігін де жеткізді.
Сонымен бірге ауданда құрылған мобильді топ құрамымен мекемелерді, кәсіпкерлік нысандарды, сауда үйлерінде түсіндірме жұмыстар жүргізуді тапсырды.
Қазалы ауданаралық ауруханасының бас дәрігері Бақытгүл Әлішева жұқпалы аурудың балалар арасында кең таралу қаупі бар екенін айтып, барынша сақтанып жүру қажеттігін ескертті.
Жиын барысында аудан әкімі тиісті сала басшыларына нақты тапсырмаларды жүктеді.
“ҚАЗАЛЫ” ақпарат
