Атышулы Ninety One тобының жетекшісі Ұлттық арнада жаңа реалити-шоу жүргізбекші

Ninety One тобының продюсері Ерболат Беделхан «Qazaqstan» ұлттық телеарнасында жаңа реалити-шоу жасамақ. Бұл туралы «Қазақстан» РТРК» АҚ Басқарма төрағасы Ерлан Қарин «Қазмедиада» өткен баспасөз мәслихатында айтты.

«Біздің жас аудиторияға дайындап отқан арнайы сыйымыз бар. Өздеріңіз білетіндей, соңғы жылдары елімізде қазіргі заманғы қазақ музыкасының түрлі бағыттары кең дамуда. Соның бірі – q-pop бағыты. Осы бағыт бойынша біз арнайы дайындаған жобамыз бар», – деді Қарин.

«Ерболат Беделханның жетекшілігімен қыздар арасындағы q-pop бағыты бойынша орындаушыларды іріктеуге бағытталған реалити-шоу эфирге енетін болады», – деді ол. Жастарға арналған жаңа реалити-шоу «Q-pop Idols» деп аталмақ.