Мәжіліс сайлауы: партиялардан теледебатқа кімдер қатысады
Парламент сайлауы алдындағы теледебат "Хабар" арнасында өтеді, әр партиядан бір қатысушы сөз сөйлейді. Орталық сайлау комиссиясы алдағы парламент сайлауына қатысатын партиялар үшін теледебаттың өтетін орны мен күнін белгіледі. Трансляция "Хабар" телеарнасында 30 желтоқсанға жоспарланған.ОСК телевизиялық дебатты өткізу регламентін, сондай-ақ, олардың қатысушыларын анықтады. Саяси партиялар өз кандидатураларын бекітті.
"ADAL" саяси партиясынан – партияның саяси кеңесінің мүшесі Эльдар Жұмағазиев;
"Ақ жол" Қазақстанның демократиялық партиясынан – партия төрағасы Азат Перуашев;
"Ауыл" халықтық-демократиялық партиясынан – партия төрағасы Әли Бектаев;
Қазақстанның халық партиясынан – партия төрағасы Айқын Қоңыров;
"Nur Otan" партиясынан – партия төрағасының бірінші орынбасары Бауыржан Байбек.
Қазақстандағы парламент сайлауы
Қазақстанда мәжіліс (парламенттің төменгі палатасы) және мәслихаттар сайлауы 2021 жылы 10 қаңтарда өтеді.
Алдағы сайлауда мәжілістегі орындарға бес партия таласады.
Nur Otan;
"Ақ жол" демократиялық партиясы;
Қазақстанның халық партиясы (бұрынғы коммунистер);
"Ауыл" халықтық-демократиялық партиясы;
"Адал" партиясы.
