Ерекше балаларға, ерекше бақылау қажет
"Nur Otan" партиясы Қазалы аудандық филиалы партияның "Кедергісіз келешек" жобасы аясында үйден білім алатын мүмкіндігі шектеулі балалардың жағдайына мониторинг жұмыстарын жүргізуде.Мониторингтік топтың құрамында аудандық партия филиалы төрағасының бірінші орынбасары Мәмбетжан Қасқырбек, "Jas Otan" Жастар қанаты аудандық бөлімше басшысы Иманалиева Гүлдәрі және аудандық халықты жұмыспен қамту әлеуметтік бағдарламалар бөлімінің мүмкіндігі шектеулі балаларға үйден арнаулы әлеуметтік қызмет көрсету бөлімінің меңгерушісі Садуақасова Замзагүл үйден білім алатын мүмкіндігі шектеулі балалардың жай-күйімен танысып, ерекше балалардың хал-ахуалдарымен танысуда.
Қазіргі таңда Қазалы ауданы бойынша 81 бала үйден білім алады. Оның 59-ына мүгедектік жәрдемақы тағайындалған.
Жалпы білім беру бағдарламасымен 50 бала білім алса, 23 бала жеңіл ақыл-ой кемістігі бар балаларға арналған бағдарламамен оқиды. 8-оқушы жеке оқыту жоспарына сәйкес қысқартылған білім беру бағдарламасымен білім алуда.
«ҚАЗАЛЫ» ақпарат
