Мемлекеттік грантпен білім алған түлектер 3 жыл жұмыс істеуге міндеттеледі
Мәжіліс депутаты ЖОО түлектері мемлекеттік бюджеттің есебінен қанша уақыт білім алса, сонша уақыт жұмыс істеуін талап ету керек деген ұсыныс айтты.Елімізде білім беру жүйесіндегі қолданыстағы заңға сәйкес медициналық және педагогикалық сала бойынша грантпен білім алған түлектер ЖОО аяқтағаннан кейін, 3 жыл көлемінде білім алған мамандықтары бойынша жұмыс істеулері тиіс, деп жазады Azattyq Rýhy. «Десе де алғашқыда грантқа түсіп, кейін оқудың аяқталуына бір немесе жарты жыл қалған кезде ақылы бөлімге ауысқан студенттер жұмыстарын өтемейді. Сондай-ақ, керісінше ақылы бөлімнен грантқа ауысып жатқандар оқу орнын бітіргеннен кейін 3 жыл жұмыс істеуге міндеттеледі.» - дейді мәжіліс депутаты Әбдіманап Бектұрғанов. Осы орайда Мәжіліс Парламентінің жалпы отырысында халық қалулысы ЖОО түлектері мемлекеттік бюджеттің есебінен қанша уақыт білім алса, сонша уақыт жұмыс істеуін талап ету керек деген ұсынысын айтты.
