Қазалы Қазалы аудандық қоғамдық-саяси газет
» » 42 500: Еңбек министрі жұмыссыз қалғандарға берілетін қаржыны арттыруды ұсынды

42 500: Еңбек министрі жұмыссыз қалғандарға берілетін қаржыны арттыруды ұсынды

Еңбек және халықты әлеуметтік қорғау министрлігі карантин кезеңінде жұмыссыздарға берілетін төлемдерді көбейту бойынша мәселені талқылады, деп хабарлайды Stan.kz ақпарат агенттігі.

Бұрын коронавирустық пандемия кезінде карантиндік шаралардың енгізілуіне байланысты табысы жоғалған жағдайда, 42 500 теңге немесе 99 доллар төленген еді. Бірақ министр бұл мәселені қайта қарауды ұсынды.
"Қысқартылған жұмыспен қамтылуға көшу кезінде жалақының бір бөлігін ең төменгі жалақы деңгейінде өтеу немесе субсидиялау енгізілуі мүмкін. Карантин кезіндегі жұмыссыздар үшін жұмысынан айрылу кезеңінде төлемдерді көбейту бойынша ұсыныстар енгізу жоспарланып отыр", - деді еңбек және халықты әлеуметтік қорғау министрі Біржан Нұрымбетов. парламент мәжілісіндегі үкімет сағатында.
Бұған дейін министр коронавирус пен карантиннің екінші толқыны Қазақстанда 162 мың адамды жұмыссыз қалдыруы мүмкін екенін атап өткен болатын. Сонымен қатар, 2,2 миллион адам көмекке мұқтаж болуы мүмкін. 4 миллион адам жұмыс орнын сақтайды, 2,5 миллион адам қашықтан жұмыс істеуге, 2 миллион адам демалыста немесе қысқартылған жұмыс режиміне ауысады.
"Барлық осы мәселелерді ескере отырып, карантинді қайта енгізу жұмысшылардың босатылуына және олардың кірістерінің төмендеуіне әкелуі мүмкін. Біз жедел және жүйелі шаралар қабылдауға дайын болуымыз керек. Сондықтан, жұмыс орындарын сақтау және құру бойынша инфрақұрылымдық жобалар арқылы жұмыспен қамту, жол картасын жалғастыру, «Еңбек» бағдарламасы аясында субсидияланатын жұмыс орындарының көлемін ұлғайту жоспарланып отыр", - деді Нұрымбетов.
25 қыркүйек 2020 ж. 64 0

Жаңалықтар мұрағаты

«    Қазан 2020    »
ДсСсСрБсЖмСбЖс
 1234
567891011
12131415161718
19202122232425
262728293031