Қазалы Qazaly.kz ақпараттық агенттігі
» » Тұмауды бір-ақ күнде емдеп шығатын дәрі пайда болды

Тұмауды бір-ақ күнде емдеп шығатын дәрі пайда болды

Жапонияның Shionogi фармацевтикалық компаниясы балоксавир-марбоксил дәрісін ойлап тапты. Оның бір дозасы тұмауды бір күнде емдеп шығады. Дәрі әлі сатылымға шықпады. Бірақ клиникалық сараптамада тиімділігі дәлелденді, – деп хабарлайды КТК арнасы.
Сараптамаға тұмаумен ауырып жүрген 1436 адам қатысты. Мамандар оларға CAPSTONE-1 деп аталатын екілік рандомизирленген плацебо-бақылайтын сынақ жүргізді.
Қатысушылар үш топқа бөлінді. Олардың біреуіндегі емделушілер бір рет 40-80 миллиграмм балоксавир-марбоксил, екінші топтағылар осельтамивирдің 75 миллиграмын бес күн бойы және үшіншісі плацебо (бақылау тобы) қабылдады.
Нәтижесінде бірінші топтың тұмауы екінші топқа қарағанда әлдеқайда басылғаны анықталды. Оның үстіне, оларға вирусты жою үшін тек 24 сағат жеткілікті болды. Ал, осельтамивирді 72 сағат, плацебоны 96 сағат ішкеннен кейін тұмау жазылды.
Сонымен қатар, жаңа дәрімен емдеу тұмаудың асқынып кетуіне жол бермеді.
Енді Shionogi компаниясы балоксавир-марбоксилді сатуға өтінімді биыл береді. 2019 жылы дәріні сатып алуға болады деген болжам бар.
19 ақпан 2018 ж. 1 634 0

Жаңалықтар мұрағаты

«    Наурыз 2024    »
ДсСсСрБсЖмСбЖс
 123
45678910
11121314151617
18192021222324
25262728293031