Енді қазақстандықтар ХҚҚО-на кезекті 10 күнде бір рет брондай алады
Қазақстандықтардың халыққа қызмет көрсету орталықтарына қолжетімділігі шектелді, деп хабарлайды Stan.kz ақпарат агенттігі КТК арнасына сілтеме жасап.Енді ХҚКО-на, сондай-ақ авто-ХҚКО-на тек 10 күнде бір рет кезек алуға болады. "Азаматтарға арналған үкіметте" бұл клиенттердің көп санына қызмет көрсетуге мүмкіндік береді деп мәлімдеді.
Сарапшылардың айтуынша, бұл - мәжбүрлі шаралар. Олар көптеген қазақстандықтардың бірнеше рет және бірнеше күн қатарынан кезекке тұратындығын анықтаған. Осыған байланысты басқа азаматтар бірден мамандарға жүгіне алмайды.
Енді халыққа қызмет көрсету орталықтарының клиенттері сайтта брондау кезінде бос уақытты көре алады. Сондай-ақ, орталыққа бару уақытын өзгерту мүмкіндігі бар.
