Қазалы Qazaly.kz ақпараттық агенттігі
» » Әрбір ауыртпалықтың жеңілдігі бар

Әрбір ауыртпалықтың жеңілдігі бар

Мемлекет басшысы Қасым-Жомарт Тоқаев 13 шілде күнін коронавирустан көз жұмғандарды Ұлттық аза тұту күні деп жариялады. Аты жаман індет əлемге, оның ішінде барша халқымызға келген ауыр сынақ болғаны даусыз.
Індет салдарынан қанша адам жақындарынан, аудандағы атқа мінер азаматтарынан айырылды. Біз барлығының қайғысына ортақтаса отырып, отбасы-жақындарына көңіл айтамыз.
Алла Тағала Құран Кәрімде «Расында әрбір ауырлықпен бірге жеңілдік бар» деген. (Шарх сүресі 5 аят) Алла осы ауыртпалықтың артынан жеңілдігін нәсіп етіп, індеттің бетін аулақ еткей.
Аза тұту күніне орай ҚМДБ Төрағасы, Бас мүфти Наурызбай қажы Тағанұлының бастамасымен мешіттерде Хатым Құран оқып, қаза болған жандарға сауабын бағыштаймыз.
Алла елшісі (с.ғ.с) «Мұсылманға не кезіксе де, ол мейлі шаршау болсын, ұзақ ауру болсын, мазасыздану болсын, қайғы болсын, қолайсыздық болсын, керек десең тікенектің шаншығаны болсын, Алла Тағала ол үшін міндетті түрде күнәләрінің бірін кешіреді”, – деп айтқан.
Ауырып жатқан кісілердің дерттеріне Алладан шипа тілейміз. Тез сауығып шықсын.
Берік СҮЛЕЙМЕНОВ,
Аудандық орталық «Жанқожа батыр» мешітінің бас имамы
14 шілде 2020 ж. 745 0

Жаңалықтар мұрағаты

«    Наурыз 2024    »
ДсСсСрБсЖмСбЖс
 123
45678910
11121314151617
18192021222324
25262728293031