Бұл туралы жоғарғы оқу орнындағы Ғылым мен инновация департаментінің басшысы мәлімдеді. Оның айтуынша, ауыл шаруашылығы техникасы шетелдік құрылғыдан кем түспейді және екі есеге арзан. Ғалымдар ойлап тапқан бірегей тұқымсепкіш қазір Солтүстік Қазақстан облысының егістік алқаптарында сынақтан өткізіліп жатыр. Аталған машинаның технологиялық үрдісті басқаратын интеллектуалдық блогы бар. Оның көмегімен механизатор кабинасынан шықпай-ақ әрекет ете алады.

Мысалы, астықтың дәнін себу мөлшерін, тыңайтқышты себу мөлшерін және дәндердің шығу жылдамдықтарын осы интеллектуалдық басқару блогы тексеріп отырады. Егер танап бетінде топырақтың құнарлылығы азайған жағдайда, минералдық тыңайтқыштардың мөлшерін көбірек береді. Ал егер құнарлылығы жақсы болса, азайтып отырады, - деді ҚР ауыл шаруашылық ғылымы академиясының академигі, техника ғылымдарының докторы Мүбәрак Адуов.

Аталған тұқымсепкіш климаттық жағдайларымыз бен жер ерекшелігіне сай жасалыпты. Техника барлық агротехнологиялық талаптарға сай дейді ғалымдар. Ал бағасы шетелден әкелінетіндерден екі есеге арзан.

Әкелінетін техника өте қымбат. Оның қызмет көрсетуінде де қыруар қаражат жұмсалады. Біздің тұқымсепкіш импорттықтардан екі есеге арзан. Мәселен, шетелден әкелінетіндердің құны 100 мың еуродан басталып жоғарылай береді. Біздің құрылғы 40 мың еуро. Бірақ импорттықтардан еш кем түспейді, - деді ҚАЗАТУ Ғылым мен инновация департаментінің директоры Сәуле Нұқышева.

Бірегей техника Ауыл шаруашылығы министрлігінің "Ғылыми зерттеулер мен білімнің қолжетімділігі" бағдарламасы аясында жасап шығарылды. Қазір ғалымдар тағы бір тұқымсепкішті ойластырып жатыр екен. Ол шөп тұқымдыларды егетін болады.

Қызылорда облысының күріші шетелдер де сұранысқа ие. "Абзал және Компания" Толық Серіктестігінің, "Элита" бренді Ресей, Қырғызстан, Әзербайжан, Түркіменстан, Моңғолия, Ауғанстан, Украина, Тәжікстан және ТМД өзге елдеріне экспортталады.

Кәсіпорын Қазақстандық және Ресейлік стандарты бойынша ақталған және ұсақ күріш өндіреді.

Аймақта сыр маржанын өндейтін ірі зауыттардың бірі – Қызылорда қаласында орналасқан "Абай Дәулет" ЖШС. Заманауи корей технолгиясымен жабдықталған кәсіпорынның қуаттылығы сағатына 7-10 тонна. Шығарылған өнімнің 60% экспортқа жіберіледі.

Айта кету керек, Қызылорда облысындағы тамақ өндірісінің 50% күріш өңдеумен байланысты. Сыр салысын жаңа технологиямен өңдеу жұмыстары да жүйелі жолға қойылған. Мәселен облыс аумағында 45 ірі және 29 кіші зауыт жұмыс істейді. Оның 27 халықаралық стандарқа сай. Бүгінгі күні барлық кәсіпорындардың жылдық қуаттылығы 408,5 мың тонна және өнім өндіру осы жылдың өткен кезеңімен салыстырғанда екі есеге өскен. Экспорт көлемі 31% ұлғайған.