Елдегі жағдай күрт нашарласа, блокбекеттер қайта қойылады - Байғабылов
Елімізде коронавирус жұқтырғандардың саны күрт өссе, блокбекеттер қайта қойылады. Бұл туралы Қазақстанның көліктегі бас санитар дәрігері Сәдуақас Байғабылов айтты, деп хабарлайды Tengrinews.kz тілшісі."Блокбекеттер өз міндетін атқарды. Біз келесі деңгейге өтіп жатырмыз. Шектеу шараларына басымдық беріліп жатыр. Әрине, елдегі жағдай күрт нашарласа, блокбекеттер өңірлерде қайта қойылады. Біз облыс орталықтары аралығындағы блокбекеттерді алдық. Ал облыстың ішіндегі блокбекеттерді қалдырдық", - деді ол Денсаулық сақтау министрлігінің Facebook-те өткен брифингінде.
