Қазақстан халқы наурыз айында қанша күн демалады
8 наурыз – Халықаралық әйелдер күнінде үш күн, Ұлыстың ұлы күні – Наурыз мейрамында қатарынан бес күн демалыс беріледі. 2020 жылы наурыз айында қазақстандықтар 13 күн демалады, деп хабарлайды Sputnik Қазақстан.Қазақстанда наурызда екі ресми мереке аталып өтеді. Биыл 8 наурыз – Халықаралық әйелдер күні жексенбіге түсіп тұрғандықтан, 9 наурыз – дүйсенбі демалыс болады. Осылайша 3 күн қатарынан демалыс беріледі.
21-23 наурызда елімізде үш күн Наурыз мейрамы тойланады. Бұл мерекенің екі күні – 21 және 22 наурыз демалыс күндеріне түсетіндіктен, аптасына бес күн жұмыс істейтіндер 5 күн қатарынан (21-25 наурызда – Sputnik) демалу мүмкіндігіне ие болады.
Сонымен, 1, 14, 15, 28 және 29 наурыздағы барлық демалыс күндерін қоса алғанда қазақстандықтар көктемнің алғашқы айында 13 күн демалады.
