Мереке күндеріне байланысты Қазақстан халқы мамырда 11 күн демалады, деп хабарлайды ҚазАқпарат.

Атап айтқанда, сәуірдің соңында ел халқы бір сенбісін (28 сәуір) жұмысқа арнайды, ал оның орнына дүйсенбі күні - 30 сәуірде демалады. Сәуірдің соңы мен мамырдың басы 3 күн қатарынан демалыс, бұл ретте 29 сәуірден бастап, 1 мамыр қоса есептеліп отыр. Отан қорғаушылар күні мен Жеңіс күнінде де осылай болады. Сенбіге келген 5 мамырда адамдар жұмысқа шығып, есесіне 4 күн қатарынан демалады. Яғни 6 мамырдан бастап 9 мамырды қоса есептегенде демалыс күндері болып есептеледі.

Мемлекеттік және ұлттық мерекелердің тізімі: Жаңа жыл - 1-2 қаңтар; Халықаралық әйелдер күні - 8 наурыз; Наурыз мейрамы - 21-23 наурыз; Қазақстан халықтарының бірлігі күні - 1 мамыр; Отан қорғаушылар күні - 7 мамыр; Жеңіс күні - 9 мамыр; Астана күні - 6 шілде; ҚР Конституциясы күні - 30 тамыз; Тұңғыш Президент күні - 1 желтоқсан; Қазақстан Республикасының Тәуелсіздігі күні - 16 желтоқсан.