Байқоңырдан «Ангосат» жер серігін ұшыру 26 желтоқсанға шегерілді

Байқоңырдан «Ангосат» жер серігін ұшыру 26 желтоқсанға шегерілді. Бұған дейін ол 7 желтоқсанда ұшырылады деп жоспарланған болатын, деп хабарлайды ҚазАқпарат.

Ангола мемлекетінің алғашқы жер серігін ұшырудың жаңа датасы белгіленгені туралы Ресейдің «Энергия» Ғарыш корпорациясының сайтында хабарланған. Бұл корпорация Ангола Республикасы Телекоммуникация және ақпараттық технологиялар министрлігінің тапсырысымен ғарыштық аппаратты жасап шығарған.

Ғарыштық аппарат Ангола Республикасын және тұтас Африка континентін телевизия және байланыспен қамтамасыз етуге арналған.

Айта кетейік, бұған дейін Байқоңыр ғарыш айлағында «Фрегат» үдеткіш блогына отын құю кезінде штатан тыс жағдай болғаны хабарланған болатын.