Психопрофилактикалық тренинг өтті
6 желтоқсан күні Қызылорда облысы Төтенше жағдайлар департаменті «Өрт сөндіру және авариялық құтқару жұмыстары қызметі» мемлекеттік мекемесі Кадр саясаты бөлімінің бас маман-психологі С.Абдуллаеваның және жедел құтқару жасағының бас құтқарушы-психологі Ж.Бегманованың қатысуымен Қазалы ауданының Төтенше жағдайлар бөлімі мен №9 өрт сөндіру бөлімінің қызметкерлеріне «Ұжымдағы моральдық-психологиялық климатты зерделеу» және «Дау-дамайдың алдын алу жолдары» тақырыбындағы дәрістер оқылды.Қызметкерлердің өмірге деген құлшынысын арттыру, жағымсыз әдеттерден аулақ болуға шақыруға бағытталған бейне-роликтер көрсетіліп, Жеке құрамның өз-өздеріне сенімділіктерін арттыру, жағымды қарым-қатынас орнату мақсатында «Ұйымшыл ұжым және түсіністік өнері» психопрофилактикалық тренинг өткізілді.
"ҚАЗАЛЫ" ақпарат
