Өміріңді сан апаттан сақтай біл

Қазалы қаласындағы «Шағала» балаларды сауықтыру демалыс орталығында суда адамдардың, оның ішінде балалардың қаза болуының алдын алу мақсатында «Өміріңді сан апаттан сақтай біл» атты қауіпсіздік шарасы өткізілді.

Онда төрт топтан құралған 110 оқушы, 15 тәлімгер төтенше жағдай кезіндегі дұрыс іс-әрекет тақырыбында көрініс қойды. Қазалы ауданының төтенше жағдайлар бөлімінің аға инженері Е.Жәкей, бөлім инженері Ш.Ермекбаев, №4 Өрт сөндіру бөлімінің қызметкерлері Б.Тоқмамбет, Н.Өтеміс, Оңтүстік өңірлік аэроұтқыр жедел құтқару жасағының құтқарушылары Е.Жиеналиев, А.Абжалелов, Б.Бисембин қауіпсіздік шараларын түсіндіріп, суға түсу кезінде орын алатын төтенше жағдайларға алғашқы көмек қалай көрсетілу керектігін үйретті.

Сонымен қатар оқушыларға алдағы оқу жылына сәттілік тілеп, суға шомылу кезіндегі сақтық қағидалары жөнінде жан-жақты түсіндіру жұмыстары жүргізілді.